ASIRIN HANA MUTUM AIWATAR DA ABINDA YA KE SO KO YA KE NUFI. WATO SIHRU SALBIL-IRĀDAH (سِحْرُ سَلْبِ الْإِرَادَةِ) Daga shafin Bashir Halilu. Lambar waya 08134434846

    Kalmar سَلْبُ الْإِرَادَةِ tana nufin kwace ko hana mutum ikon gudanar da zaɓinsa da tunaninsa ko kuma abin da yake so, ta yadda zai iya aikata wasu abubuwa ba tare da cikakken ikon kansa ko ra'ayinsa ba.

     A fannin binciken sihiri, ana amfani da wannan suna wajen bayyana wani nau'in illar sihiri da ke shafar tunanin mutum, nufinsa, zabinsa da kuma yadda yake gudanar da rayuwarsa.

    Masana harkar sihiri da warware shi sun kira irin wannan sihiri da sunaye daban-daban, kamar

* سِحْرُ الصَّرْفِ – Sihirin karkatar da mutum daga abin da yake so.

* سِحْرُ الْعَطْفِ – Sihirin jawo zuciyar mutum zuwa ga wani abu ko wani mutum.

* سِحْرُ التَّسْلِيطِ – Sihirin rinjayar mutum da iko a kansa.

* سِحْرُ سَلْبِ الْإِرَادَةِ – Sihirin kwace ikon zabi da nufin mutum.

   Shaikh Khalid Bin Abun Na'im Arrufa'iy ya yi magana kai tsaye game da batun سلب الإرادة. Ya bayyana cewa ana iya danganta tasirin sihiri da shafar jikin mutum, hankalinsa, nufinsa da kuma sha'awarsa.

Ya yi amfani da kalmomin:

العطف والصرف

Wato jawo mutum zuwa ga wani abu ko kuma karkatar da shi daga abin da yake so.

ALAMOMIN SIHIRIN ƘWACE IKON MUTUM WATO HANA MUTUM AIWATAR DA ABINDA YA KE SO KO ABINDA YA KE BUƘATA.

 1. عَدَمُ الْقُدْرَةِ عَلَى اتِّخَاذِ الْقَرَارِ

Rashin ikon yanke shawara.

Mutum ya dinga samun matsala wajen yanke shawarar abubuwan da suka shafi rayuwarsa, ko da kuwa abubuwan suna da muhimmanci a gare shi.

2. فِعْلُ مَا لَا تُرِيدُهُ النَّفْسُ

Aikata abin da zuciyarsa ba ta so.

Mutum yana iya samun kansa yana aikata abubuwan da ya san ba su dace da shi ba, amma yana jin wahalar dakatar da kansa.

3. التَّغَيُّرُ الْمُفَاجِئُ فِي السُّلُوكِ

Sauyin hali kwatsam.

Mutum yana iya sauyawa daga halin da aka san shi da shi zuwa wani hali dabam, ba tare da wani dalili bayyananne ba.

4. عَدَمُ الثَّبَاتِ عَلَى الْقَرَارِ

Rashin iya tsayawa a kan shawara.

Mutum ya kasance mai yawan canja shawara, ko da kuwa ya riga ya yi nazari kuma ya tabbatar da abin da yake so.

5. اتِّبَاعُ أَوَامِرِ الْغَيْرِ دُونَ تَفْكِيرٍ

Bin umarnin wani ba tare da tunani ba.

Mutum ya zama mai sauƙin rinjaya, har ya kasa tantance abin da yake da amfani ko cutarwa a gare shi.

6. عَدَمُ الْقُدْرَةِ عَلَى رَفْضِ مَا لَا يُرِيدُهُ

Rashin iya ƙin abin da ba ya so.

Yana iya jin tsoron ƙin buƙatar wani ko kuma samun kansa yana amincewa da abubuwan da ba ya so.

7. تَغَيُّرُ الرَّغَبَاتِ وَالدَّوَافِعِ

Sauyin sha'awa ko muradi.

Abubuwan da a da yake ƙauna ko yake son aikatawa suna iya zamar masa abin ƙi, yayin da yake samun sha'awar abubuwan da a da ba ya sonsu.

8. عَدَمُ الِاسْتِقْرَارِ النَّفْسِيِّ وَتَشَوُّشُ التَّفْكِيرِ

Rashin nutsuwa da rikicewar tunani.

Yana iya samun yawan ruɗani, damuwa da wahalar tattara tunani waje ɗaya.

9. الشُّعُورُ بِفَقْدَانِ السَّيْطَرَةِ عَلَى الْحَيَاةِ

Jin kamar ba shi da iko a kan rayuwarsa.

Yana iya jin cewa ba shi ne yake tafiyar da rayuwarsa yadda yake so ba, kuma yana samun wahalar gudanar da ayyukansa na yau da kullum.

10. عَدَمُ الْقُدْرَةِ عَلَى تَنْفِيذِ مَا عَزَمَ عَلَيْهِ

Rashin iya tsayawa kan abin da ya yi niyya.

Yana iya yin niyyar aikata wani abu, amma idan lokacin aiwatarwa ya zo sai ya kasa yin abin da ya tsara.

       Saidai waɗannan alamomi ba hujjar samuwar sihiri ba ne kai tsaye, wasu na iya kasancewa sakamakon matsalar damuwa, depression, OCD, cututtukan kwakwalwa, matsalar bacci ko wasu cututtuka. Don haka wajibi ne a yi binciken lafiya kafin a jingina su ga sihiri kai tsaye.

       Don haka dukkan wanda ke fama da wasu daga cikin wadannan matsaloli yana da kyau ya tuntuɓi masani akan harkar warware sihiri da matsalolin Aljanu don taimaka masa da Magunguna, addu'o'i ko ma a yi masa ruƙiyyah. 

Daga shafin Bashir Halilu mai Ruƙ'yah da bayar da magunguna na Musulunci da na gargajiya. Lambar waya 08134434846.