ASIRIN HANA MA'AURATA SAMUN HAIHUWA WATO SIHRUL- UQMI (سِحْرُ الْعُقْمِ) Daga shafin Bashir Halilu. Lambar waya 08134434846
Asirin hana mace ko namiji samun haihuwa, wato sihirin da ake yi domin hana ma'aurata samun zuriya, ta hanyar lalata ko toshe wasu dalilan da suke taimakawa wajen samun ciki, ko kuma hana mace ɗaukar ciki duk da kasancewar ma'auratan suna saduwa da juna. Haka kuma ana iya kiransa da سِحْرُ مَنْعِ الْإِنْجَاب wato sihirin hana samun zuriya. Ko kuma: سِحْرُ تَعْطِيلِ الْحَمْلِ wato sihirin hana samun ciki. Wannan nau'in sihiri yana cikin abubuwan da wasu malaman da suka yi rubuce-rubuce a kan sihiri suka yi magana a kansu, inda suka bayyana yiwuwar cewa masihirta za su yi amfani da sihiri domin cutar da mutum a bangaren haihuwa. ALAƘAR SIHIRI DA RASHIN HAIHUWA Allah Maɗaukakin Sarki Ya bayyana cewa sihiri yana iya cutar da mutane amma idan Allah Ya ƙaddara hakan zai tasiri. A cikin Suratul Baƙarah, aya ta 102, Allah Ya ce: وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ. Ma'ana Kuma ba za...
