SHAFIN BASHIR HALILU

     Asirin haddasa yawan wasiwasi a zuciyar mutum yana nufin abin da wasu mutane suke aikatawa na sihiri, inda mutum yake fama da yawan tunane-tunane, shakku, tsoro da wasu munanan zarge-zarge da yake kasa kawar da su daga zuciyarsa.     Wasuwasi yana daga cikin hanyoyin da Shaidan yake amfani da su wajen damun mutum, sanya masa shakku da karkatar da shi daga bautar Allah.      Allah Maɗaukakin Sarki Ya bayyana yadda Shaidan yake sanya wa mutum wasuwasi, kamar yadda Ya ce: فَوَسْوَسَ إِلَيْهِ الشَّيْطَانُ Ma'ana: Sai Shaidan ya sanya masa wasiwasi. (Suratun-Ɗaha: 120).    ALAMOMIN YAWAN WASUWASI DA KE ALAƘA DA ASIRI     Wasu daga cikin alamomin da mutum mai fama da matsanancin wasiwasi zai iya fuskanta sun haɗa da: 1- الْأَفْكَارُ السَّلْبِيَّةُ الْمُتَكَرِّرَةُ Yawan samun tunane-tunane marasa kyau a zuciya, waɗanda mutum ba ya son su amma suna ta dawowa masa, ko da yana ƙoƙarin kawar da su daga zuciyarsa. 2- الْخ...